آنه مو گدها او اجی افتح معاک

صفحه یا مولای من باب العتب

انته ادره او شاهد اعلی اللی یصیر

الشفر گامن یحزّن بالرگب

و حالنه المتوگّع ابّین الشفار

منخدع بالمال واضعاف الرتب

والصبر عن هالوضع وابدینه گام

سیّدی بچفوفه عالجمره حجب

بالصراحه اعنیها عن ذاک البعید

الذی ما قیّم ابصافی الذهب

باع حیدر وامتلک صک النقود

وهیچ واحد واحد اعلیهم چهب

یمته یا مولای ، اشم ریحت ظهور

انته جیت اعلینه لو آنه ابسرب

بیّنت لینه العلایم للظهور

واعلی جیتک نصّت اهوای الکتب

یمته یا مولای مو طال الغیاب

و تدری عد الینتظر کلّش صعب

جمعه جمعه ننتظر وانگول های

سیّدی و بالندبه چم نادب ندب

عدنه منقول ابسند عن الدعاء

ابگبّة الریحان حتما یستجب

لسّه چم داعی یجی اهناک و دعاک

یابوصالح العجل من کل گلب

یابوصالح یالله سل سیفک تعال

حان وکتک وانفتح لیک الدرب

***

کلمات : ابوزینب الصیمری

16 شعبان 1445

و من الله التوفیق

تاج کلمن راده ... علی علی

حیدر و اولاده ... علی علی

هوّه حگ اعلی الخلگ ... جاءَ و الباطل زهگ

حیدر و اولاده ... علی علی

***

هالحقیقه واضِحا مثل الشمس ... شعشِعت انوارها والکل یِحِس

انتِبه یالراید الـعـزّة نـفـس ... مالَکِ اعلی النور بغیومک تِعِس

واضح ابانواره ... علی علی

یحمی کلمن زاره ... علی علی

والنکر وجها عرگ ... جاءَ و الباطل زهگ

حیدر و اولاده ... علی علی

***

کل کلامی عن عقیده و عن یقین ... واضح و لا ما یرید احلف یمین

لله کلمن راد وی طاها الامین ... یمسک اباکتار حبل الله المتین

باب علّا ابشانه ... علی علی

ینفتح لجنانه ... علی علی

باب بس هوّه الصِدَگ ... جاءَ و الباطل زهگ

حیدر و اولاده ... علی علی

***

بالله انخا اعمیر هم یاتی العقد ... بس ابوالشدّات یحضر عالشدد

مـا عـلـیـنـه للـبـلـمـغالط گعد ... ما نقیس امزوّر و اصل السند

وجها نور و ساطع ... علی علی

اوّل و مو رابع ... علی علی

عالکفر داس و سحگ ... جاءَ و الباطل زهگ

حیدر و اولاده ... علی علی

***

حگّی اگولن حیدر اهوه الاوّلی ... اسود التاریخ لو ما بی علی

یاعلی اهتف خل یسمعک عاذلی ... و خلّی ابن العاص باثیابه ایهلی

سوّد الاعمالهم ... علی علی

گاطع الانفاسهم ... علی علی

خنجر و بیهم فتگ ... جاءَ و الباطل زهگ

حیدر و اولاده ... علی علی

***

یاللی راید تدخل الجنّه و نعیم ... بس علی و ماکو بعد للمستقیم

ای اخبرک یوم باعمالک تقیم ... عالمعابر بس علی تلگا قسیم

والعبور الغایه ... علی علی

للقبل لولایه ... علی علی

والنکر منها زلگ ... جاءَ و الباطل زهگ

حیدر و اولاده ... علی علی

***

تمت

1402/1/14

12/ رمضان /1444

اهواز - شیبان

ظـهـر الـعـاشـر ابـعـاشـور لـمـلـمـهـا الـسما وغـیّـم

و چـن دولاب افــر بـالـریـح چـف عـباس المشیّم

***

ضـهـضـب وانـتـفـض عـباس طب و سربل اردانه

چـن عـوده الـفـحـل کـرار اتـعـنّـه الـذاک مـیـدانــه

یـخـزر بـالـعـسـاچـر گـام و شـبّـت حـیـل نـیـرانـه

و غیظه اعلی الخصم عباس اطناب و کل کتر خیّم

***

خـیّـم عـالـرجـال و لاح ظـهر امـطـهّـمـا و صوّل

و کـل جـیـمـا الـیـلـمـهـا ایـگـوم وایطشها مثل اوّل

غـربـال الـزلـم مـاهـام بـالـیـسـگـط بـالـمـغـربــــل

لـو یـنـزل یـعـود اردود حـی مـا ردّه بـن مـریـــم

***

لاذت عـد جـدم عـبـاس زلـم الـمـا تـهـاب الـمـوت

اشـحـدّه الـیعـتـنی و هـیـهات یگـرب ثایته وایفوت

سـم عـربـیـد مـو خـیّـال گـدهـا و بـالـشـدد منعوت

مـا ظـن للـسـلـم و الـفـات بـحـدود الـگـمـر ویّــــم

***

وحـلـت سـاحـت الـمـیـدان مـن کثر الـدمـه الینزف

تـاره ابـروسـهـم حـصّـاد و تـاره ابـگـاعهم یخسف

وی مـن صـیـلـمـه الـنـیـران و کـلمن یلتسع میرف

خـط احـمر لـفـاهـا الـحـیـد و بـارواح الـزلـم هـیّـم

***

یـسـمـع للـصـدی امـن ابعید جایب صوت عربیّه

شـد عـزمـه الـبـطـل عـالـگـوم من هلهلت علویّه

شـاف اودیـعـتـه اعـلـی الراس عـصّابت البدویّه

حـطّـب بـالـزلـم هـالـحـیـد مـا بـجّـه و بعد چـیّـم

***

الشاعرین : ابوکاظم الاسدی و ابوزینب الصیمری

1402/07/15

ندری من بعد العسر لازم یسیـر

مـا تـضـل امـعـسّـره ابـاَعـمالهـا

و ندری من بعد الشتا یطلع ربیع

و نـدری اتـفـوح الـعطر بَافلالها

بس خَبیث انشوف مِنجل للیهود

عـمـده یـِزرگ یـعـتـنـی ذبّـالها

ندری بالله من یِگل الکُن یَکون

مـا نِـنِـکـره و ما یِصح محّالها

بس یِـرید اسباب ربّک للوجود

چـلـمـه بـالـقـرآن هوّه الگالها

یـعـنـی للـراید یِسر لازم عَسیر

و اللَـعَـب حـتـمـا تَـعَـب بـدّالـها

بس عَجیب انشوف من بعد الظلام

نور یسطع کون من اذیالها

العمر زوّال و الاسود عَسیس

یمته نور المنتظر زوّالها

تِنقِلِ الکِتّاب عن آل الرسول

بالعَلایم لو ظَهَر مَلّالها

چَم وِ چَم ملّال ظاهر بالوجود

والعدد یتضاعف الچتّالها

ها هُوَه الجور و ظلم دایر مَدار

و الخَرایط ما نِعَرفَ اشکالها

ساعه اسرائیل ساعه امریکان

و ساعه آل اسعود تِتعنّالها

و احنه نِعرِف من عقیدتنه الدلیل

تِمتِلی ظلماً و جوراً دالها

و احنه محتاجین ابو وجه الشمیس

بالعجل یِنهی الطِغَت و اجیالها

و کلشی لو رادِ ایتِوَجَّد بالوجود

لاسبب ما یِنطوی ابمنوالها

تمت

کــ : ابوزینب الصیمری

1401/12/16

منزل